واحد كل ذنبه انه حب بجد

السلام عليكم ورحمه الله

يا جماعه انا عايز احكي ليكم حاجه حقيقيه
واحد عادي زي اي واحد عنده 20 سنه بس كان للاسف خايف يحب اوي وخايف انه ينجرح وكان طول عمره بيبعد عن الموضوع ده
لحد ما في يوم شاف بنت زميلته في الجامعه وبدا يحس ناحيتها بانجذاب كبير اوي وبجد وبدا طبعا كالعاده يقاوم الاحساس اللي كان خايف انه يملكه بس للاسف مقدرش وحاول يبعد عنها فعلا

هي كانت بنت فيها كل اللي تمناه طول عمره...... كل حاجه كان هو بيحلم بيها كانت فيها ..حتي اسمها كان الاسم اللي نفسه يكون اسم حبيبته .. كانت جميله بس في عينه كانت اجمل البنات مش مجرد اجمل البنات ...لا كانت كل البنات
الموضوع بدا ازاي؟

بدا الموضوع بنظرات منها ليه وهو طبعا كان بيتجنب الحكايه دي زي ماقلتلكم بس مقدرش لقي نفسه بكل كيانه رايحلها .. وهو كان ليه بنات زمايله تانيين وكانوا في نفس الوقت اصحابها وكان عارفهم كلهم ما عدا هي .. وبدات النظرات تزيد بينهم .. لدرجه ان غيرهم لاحظها
كان سهل طبعا عليه انه يخلي اي بنت من صاحبتها تعرفه عليها بس هو مرديش لان كان عايز يسيب الموضوع لحد مايتاكد
وفعلا جه اليوم اللي اتعرف عليها .. وكان بطريقه ظريفه اوي كان ماتش للاهلي وهو بيتكلم مع زميلته علي الماتش وعن خساره الاهلي فيه. وجت هي..ومعرفش ازاي اتكلموا مع بعض وطولوا في الكلام وضحكوا وكان اسعد يوم في حياتي .واتكلمنا كاننا عارفين بعض من زمان .. واتشال كل الجمود اللي كانت هي مشهورة بيه وانها مابتكلمش اي اولاد خالص...
ويوم ورا يوم بقوا يقفوا مع بعض.. تقريبا كانوا بييجوا الكليه علشان يعض..وخلاص قربوا من بعض جدا
بس الكلمه ماتقلتش منها او منه ... كان مستني يتاكد اكتر في نفس الوقت اللي كان قلبه خلاص ارتبط بيها وحبها حب جنون
بس للاسف كنت رايح الكليه زي اي يوم مستني يشوف ضحكتها اللي بقي عايش علشان يشوفها ....... استني يشوف عينيها اللي بقت كانها عينيه اللي مابيشوفش من غيرها..رايح كل امله انه يقعد معاها يشوفها بتبتسم ليه.
لقي اصحابه واصحابها مقابلينه بابتسامه بلهاء وبيقلولوا

بارك لفلانه علي خطوبتها...................

.ايوة هي اللي اتخطبت

احساس عمر ما اي حد منكم ممكن يتخيلوا.احساس ماخلهوش قادر يتنفس فعلا والله العظيم قلبه انقبض بشكل عمر ما اي حد ممكن يتخيله
نظر ليها ........... وقالها مبروك
هي بصت في الارض ومقدرتش تبص في عينيه وترد عليه
مشي وكل حلمه اللي رسمه وعمره اللي كان المفروض يبقي معاها انهار قدامه ومن غير اي مقدمات....بعد ماسلم نفسه ليها هي حطمته

اتخيلوا احساس واحد شايف الانسانه الوحيده اللي حبها رايحه لغيره.الانسانه الوحيده اللي ملكته حطمته .....

كل اللي حكيته ده ياجماعه واقسم لكم بالله حصل وحاجه واقعيه ومش من خيالي
ايه رايكم تفتكروا ده كان ايه ؟
حب من طرف واحد؟00000000000ولا لان مجرد الكلمه متقاليتش يبقي كله خيال؟..ولا هي عملت زي ما اي بنت ممكن تعمل واختارت بواقعيه بين عريس مضمون وحبيب؟
المشكله انه مش قادر يحب غيرها.......لا مش مجرد مش عارف يحب غيرها هو مش قادر ينساها وينسي حلمه اللي اتخيله معاها....وينسي جرح قلبه اللي كان خايف منه طووووول عمره

الاكيد في كل ده انه حبها بجد .. حبها حب ماتخيلش انه ممكن يكون موجود في دنيتنا دي

احساس صعب جدااااااا

يا رب ما اى حد يمر بيه ابداااااا

قصة جميلة جدااا يا ادمن

يا رب
جميله جدا يا محمد
تسلم ايدك
[ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل اووووووووووووى يامحمد وفعلا بيحصل فى حياتنا كتير

» مخاطر نوم الطفل مع أمه علي سرير واحد
» واحد وحبيبته قاعدين قاعدة رومانسية